Love Shayari Ishq Aur Mohabbat

Ishq aur Mohabbat Dono lafz bade hi ajeeb hai na pyaare bhi hai aur bahuto ke inhi se nafrat ho jaati hai

Aksar log apne dil ko bacha kr rakhte hai

Pyaar ki galti karne se kyonki kuch log ise galti samjhte hai kuch isko pyaara

Ab baat kroon apni to ye to ek galti hi hai

Lekin agar kabhi ho hui mujhse ye ishq ki galti to sawaal yahi rahega mera...ki maine kabhi nahi chaha tha kisi ko apna banana ab tum ban gaye ho to batao...ye pyaari hai?

Maine kab chaha ishq ki galti karna
Ab batao? Kya ye gati pyaari hai

Lekin pyaar hone per ye zaroori to nahi hota na, ki pyaar kiya hai to mil hi jaaye

Jaha sirf milne ki khwaahish wo pyaar nahi pasand hai mera khyaal yahi kehta hai

Aur agar pyaar hai kisi se to wo na mile phir bhi ek sukoon hota hai pyaar hai mohabbat hai jise milne ki koi zaroorat ni hoti...

Hazaaro raaste hai ishq mukammal karne ke
bas pyaar barkaraar rahe
phir to na milne pr bhi mohabat mukammal honi hai

Jab hum kisi ko pasand karte hai to sirf wo hmko pyaara lagta hai...aur usko paane ka laalach hota hai....usse judi kisi cheez ya kisi insaan se hmko agar problem hai to wahi hamesha rehti hai kyonki shayad hm use pasand krte hai usse jude hue logo ko nahi...

Lekin jab hm kisi se pyaar krte hai to hmko usse jude hue logo ko pasand karne ki zaroorat hi nahi hoti...wo to khud ba khud har ek insaan aur cheeze jo us insaan se judi hoti hai jisse hm pyaar krte hai...pyaara lagne lagte hai...utni hi izzat hm unki krte hai jitni apne pyaar ki...

Pata hi nahi chal pata hoga na ki aise kaise kisi se itna pyaar ho jaaye ki ise jude  hue log bhi agar uske liye achche hote hai to hmre liye bhi....

Bas itna difference hota hai shayad pyaar aiur pasand me...

Hm pasand sabko kr lete hai pyaar sabse nahi hota....

Jisko ho jaaye phir milna na milna ka koi tuk hi nahi rehta.....

Allah krein sabko pyaar krne ki toufeeq mile...sachcha pyaar...sachcha humsafar

kya ye duniya tab tak mohabbat ko sachchi nahi maanti
jab tak kisi ek ki zindagi  pr maut ki dastak na ho

Milna aur na milna alag hai...na milne ka ek bahut bada karan ye duniya hai aisa log kehte hai...lekin yahi duniya shayad is karan pyaar krne walo ko galat samjhti hai kyonki unhe lagta hai unka pyaar sachcha nahi

Agar pyaar sachcha nahi to door hi raho ye kehta hai zamana...

Lekin ye unhe kaise maloom ki pyaar hai ya nahi ye to sirf un do dilo ko pata hota hai na...jo pyaar krte hai....

Phir jab unme se kisi ek ki maut aa jaye tab yahi log kehte hai ki yaar kitna sachcha pyaar tha kaash mil jaate...jab kisi ek ka dil toot jaaye ek falak per chala jaaye...tab door hone pr samajh aa jata hai un logo ko ki pyaar sachcha hai...

Bhala kyo...khuda ne bhi pyaar ko galat nahi kaha...agar pyaar hai to ek bandhan me bandh jaao na...aur ye log hi un do dilo ko ek rishte me bandhne nahi dete...

ibaadat e ishq kiya jata hai
ishq karne walo ki ibadat nahi

Ishq ek ibaadat hai sahi hai bilkul...lekin ishq ki ibaadat kro na ishq karne walo ko khuda kyo banana...khuda ki jagah to kisi ne nahi li..phir tum insaan koun ho....

Ibadat ishq ko kro uska ehteraam kro....jis insaan se pyaar hota hai..wo to khud ba khud khuda ki tarah lagta hai....per koi khuda to nahi na...agar tum usse ishq e ibaadat krte ho to tum uski ibaadat kr rhe ho...aur jis din tumhe usse nafrat ho jaaye to wo ek aam insaan se bhi zyada battar....

To apne saathi ko ibadat wala na banao

Balki ibadat wale khuda ne jo pyaar jaisa ehsaas diya hai uski ehsaas ki ibaadat kro....wo ehsaas kabhi ni khatam hota....

Bin izzat mohabbat kis kaam ki

Aksar ek insaan doosre se pyaar karta hai to us per apna haq samajh leta hai...pyaar to free krne ka ehsaas hai na...na kisi baat ki fikar na darr...lekin ye koi baat ni hoti ki tum aur main rishte me hai to..maine jo kaha wo tumko karna hai...ye paththar ki lakeer hai...

Kyo bhala kya tumse pyaar krne me main ek ladki ko apni zindagi jeene ka haq nahi...phir bhi dekho main khushi khushi tumse bina shikwa kiye har baat ko pyaar se maan leti hoon...isme kitni takleefe hoti hai shayad wo bhi tumse nahi kehti hooon....

Ishq aur izzat ka mail mil gaya
use ab kya chahiye

Lekin log kehte to hai pyaar hai tumse...pr izzat naam ki bhi nahi hoti...pr mere khyaal me to izzat hone per hi saamne wale se mohabbat hoti hai...koi itna pasand aa jaye to izzat to khud ba khud ho jaati na...
Pyaar ka agar koi mujhse kahe ki doosra naam kya hai..
To main kahoongi pyaar ka doosra naam izzat hai...ishq aur izzat jise dono saath me mil jaaye....wo falak wali mohabbatein ban jaati hai....
Har ek ko aisi mohabbat Rab ata farmaaye....

Written By Osheen Khan