Fathers Day: Love PaPa

"Baap wo shakhs hai jinka, bachcho ki ek sisak se dil tham jata hai...!"

Fathers Day- Waise to rishto ko kisi ek din to nibhaya nahi jaata aur na hi ek din ke liye ye rishte bane hai...lekin haan, in rishto ko jatana aur hm unse kitna pyaar karte hai batane ke liye hi shayad wo ek din bane hai...

jis din hum is aad me apne maa baap se keh sakte hai ki "Hum bachche unse kitna zyada pyaar karte hai"

Aajkal to Social media ka bhi zamana hai bhai! ye kaam to aur bhi zyada aasan ho gaya hai. kisise dil ki baat keh naapaaye hum unhe status me post kiya hai....

bas yahi tarika kuch hum aazma lete hai..seedhe kuch nahi keh paate status per bata dete hai.....

Kisi baat ka darr na rehta
Papa aapke hone se
Jo har cheez mumkin lagti hai na
wo ehsaas hota
papa aap ke hone se

Waise to saare bachche chahe bete ho ya beti maa papa ko pyaare hote hai lekin, is baat se mana hi nahi kiya ja sakta ki betiyaan papa ki laadli hoti hai, jo apni betiyo ko har dam ek shehzaadi ki tarah treat karte hai wakai, bhai ki galti na hone per bhi beti ka side leker use khoob daante hai...

mummy se to har baat ki ladai ki jad shayad main hi ban jaati hoon, kuch hua nahi ki papa ke saamne laad batati hoon...

Pita! Jiske saath Mein kahi bhi bekhauf chal sakti hoon
Har ek rasta tay kar sakti hoon
Uske saath manzil tak jaane ka khyaal hi nahi aata
Bas us raah ke har Manzar ko khud me bhar leti hoon

Kisi bhi baat se agar nahi darti hoo to wo hai meri family ka saath, aur usme sabse uper hai papa... kuch bhi karo dil kholker, bas apni nazar me sahi raho khuda se daro...baaki sab smbhaalne ke liye wo hai na...

Unhone sikhaya hai aur kaha hai ki hamehsa aage chalo aur akele chalo, is dunya me akele hi rehna hai aur chalna hai, bas apne karam karte hue khuda ka khouf rakho aur aage badhte chalo. baki hum sab tumhaare peeche to hai hi....

ye baat aaj tak mere zehen me hai aur ise hi socker main har kaam me bejhijhak bina darr ke karti hoo.

"I Love My PAPA"

  Written by "Osheen Khan"