Kaabil A Life Journey Poetry By Osheen Khan (Oshi)

 Kaabil  

Badi mushkil se khud ko hausla diya hai

mushkil se kaabil banne ki raah per chali hoon

pehle kadam ko jab uthaya tha aage badhne ke liye

to meree saath apno ki aankho me kuch sapne pale the

jab mere safar me manzil ka raasta nazdeek aa raha hai to

 apno ko kyo lag raha ki mera unse faasla badta jaa raha hai

maanti hoon zyada waqt nahi deti abhi 

shuruaat hai meri

chahti hoon apno ke bharose ke saath unka saath bhi mile

duaayein hai mere saath unki

bas mujhe samjhne ke unhe jazbaat bhi mile

kuch samay apne kaam ko deker sambhalna aane lagega

tab mera zyada waqt to apno ke saath hi guzrega

abhi thodi takleef deti hoon sabko maanti hoon ye main

lekin jo khushi dena chahti hoon shayad koi jaanta hi nahi hai

main sab kuch krna chahti hoon apne liye bhi aur apno ke liye bhi

main jinhe jaanti nahi

kuch karne ki chaah rakhti hoon un anjaano keliye bhi

bas shyaad khud ko thoda samjhdaar banana hai

mukaam haasil kr rhi hoon

lekin kuch peeche nahi chodna chahti

khud chal rhi hoon lekin kisi se mooh nahi modna chahti

kya karein? hai hi itne lajawaab hum 

apno ki ummmedein badh rahi hai

ki ye sab kuch ek saath kar sakti hai

jab abhi itna kuch kr rahi hai

dua hai har kaam ke saath samajh sakoon

kuch waqt khud ko de doon to kuch waqt apno ko bhi de sakoon

Written By Osheen Khan (Oshi)