Love Shayari Mushkil Ho Gaya Hai: Love Poetry By Osheen Khan "Oshi"

Mushkil Ho Gaya Hai

Usne kuch aisa uljha diya hai ki

samajhna mushkil ho gaya hai

Koshish bhi nahi ho paati is uljhan ko suljhaane ki

Kyonki dil darta hai ki kahi ye bhed khul gaya to

Mann mayoous na ho jaaye

Uske kahe lafz bahut kashmkash Paida krte hai

Kya hai uske dil me ye seedhe bayaan na krte hai

Kabhi ek aas milti hai uski baato se

To kabhi shaq hota hai uske alfaazo pr

Phir bhi ummeed lagaaye baithe hai

Shayad jo mera dil chah rha

Wahi mere nazdeek ho

Ye sawaalo ki doriya kuch is tarah uljhi hui hai

Ki suljhana mushkil ho gaya hai

Usne kuch aisa uljha diya hai ki samajhna mushkil ho gaya hai 

Written By Osheen Khan "Oshi"