Manana nahi aata by osheen khan

Manana aata nahi hame

ek guzarish hai roothna mat hmse

manana aata nahi hame

chila lena, jhagad lena, poore ek din bhale se baat na karna, pr

baad me galti bata dena hame

haan, wo main aaker sorry bhi na kahoon shayad,

pr galti ka ehsaas hoga apni mujhe

khud se aaker jab main baat krne lagoon tumse

Samajh lena manane hi aayi hoon tumhe

sach na mujhse iqraar hota hai ishq ka na maafi bhare alfaazo se maafi maangna aata hai

na ye chahti hoon ki tum kabhi soory bolo

ye to khali shabd hi hote hai

inka ki mol nahi hamari nazro me

dil saaf kr lena anmol hai

aise lafzo ka istemaal nahi aata hame

please roothna mat hmse

manana nahi aata hame...!

Agar tumhari khwahish hogi roothne ki

aur tum chahte hoge ki main manaaon tumhe

agar tumhe ye sab pyaara lagtahoga, aur tum chaho

ki main manaker pyaar jataaon tumhe

to karoongi dua ae khuda ye hunar bhi de de mujhe

tum jab jab rootho tumhe manane ka sabab bhi de de mujhe

koshish kroongi bas isliye kyonki tumko achcha lagta hoga

pr jaldi maan jaana haa bas, warna soch lena main roothi to bhut bura hoga

waise mera roothna to aisa hai jaise turant maan jaana

bhaav zyada nahi khaati

bas tum bhi muskraker maan jaana

zyada mat satana hame

wo kya hai na manana aata nahi hame..!

-osheen khan